Покистоннинг йирик кинотеатрлари ҳинд фильмлари намойишига қўйилган тақиқни бекор қилди. Бу маҳаллий киноижарачилар Болливуд маҳсулотларидан воз кечгани туфайли катта зарар кўраётгани билан боғлиқ, деб хабар бермоқда «Интерфакс».
Ҳинд фильмлари ва телерадио маҳсулотларига тақиқ октябрь ойида, баҳсли ҳудуд бўлган Кашмирда кескинлик кучайганидан сўнг жорий этилганди. Расмийлар буни айрим ҳинд кинокомпаниялари покистонлик актёрлар билан ҳамкорликни тўхтатганига нисбатан жавоб чораси сифатида изоҳлади.
Маълумот учун, мазкур тақиққа қадар Покистонда ҳинд киномаҳсулотлари намойишини кунига 86 дақиқа билан чекловчи қонун мавжуд эди, бироқ мамлакатда Болливуд фильмлари жуда оммалашганлиги сабабли унга кўпинча амал қилинмасди.
Изоҳ (0)