Forbes jurnali rejissor Jorj Lukasni “Amerikaning eng badavlat mashhur kishisi” deb atadi. Bu haqda “Gazeta.ru” xabar bermoqda.
“Yulduzlar jangi” filmlari yaratuvchisining sof aktivlari 4,6 milliard dollarga baholanmoqda, ushbu mablag‘larning katta qismi Lucasfilm kompaniyasining 2012-yilda Disney studiyasiga sotilishidan tushgan.
Ikkinchi o‘rinni rejissor Stiven Spilberg (3,7 milliard dollar), uchinchi o‘rinni teleboshlovchi Opra Uinfri (2,8 milliard dollar) egalladi. To‘rtinchi pog‘onada basketbolchi Maykl Jordan (1,2 milliard dollar), beshinchi pog‘onada esa illyuzionist Devid Kopperfild (850 million dollar) joylashdi.
Yuqori o‘nlikka, shuningdek, reper Shon Kombs (Diddy, 750 million dollar), golfchi Tayger Vuds (740 million dollar), reper Dr Dre (710 million dollar), yozuvchi Jeyms Patterson (700 million dollar), aktyor va qiziqchi Jerom Saynfeld (670 million dollar) kirdi.
Izoh (0)