Buyuk Britaniyaning Birmengem shahridagi Winson Green qamoqxonasida 600 ga yaqin mahbus isyon ko‘tardi. Bu haqda “RBK” xabar bermoqda.
The Daily Mail nashriga ko‘ra, mahbuslar 12 soat davomida qamoqxonaning bir necha qismi, dorixona, mashg‘ulot zali va texnika omborini nazoratida ushlab turgan. The Huffington Post gazetasining bildirishicha, ular qo‘riqchilardan kalitlarni tortib olgandan so‘ng bunga erishgan.
Isyonni bostirishda huquq-tartibot idoralarining 300 nafar xodimi ishtirok etdi. Kechga borib qamoqxonada to‘liq tartib o‘rnatildi.
Hodisa oqibatida jabrlanganlar haqida hozircha xabar berilmadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)