Dubay amirligi shahar janubida joylashgan ikkinchi havo qo‘nalg‘asi — Al-Maktum nomli xalqaro aeroportni (DWC) kengaytirish va rivojlantirish uchun 35,7 milliard dollar sarflaydi. Bu haqda “Interfaks” xabar bermoqda.
Amirlikning ikki aeroporti operatori bo‘lgan Dubai Airports ma’lumotlariga ko‘ra, Dubayda “Ekspo-2020” butunjahon ko‘rgazmasi o‘tkazilishi davomida va uzoq istiqbolda yo‘lovchi hamda yuk oqimi oshishi talablarini qondirishga qaratilgan ikki yirik loyihaga qo‘l urildi.
Mazkur loyihalardan biri tufayli DWC yo‘lovchi terminalining odam o‘tkazish imkoniyati hozirgi yiliga 5 milliondan 2017-yil oxiriga kelib 26 million kishiga yetishi mumkin. Ro‘yxatga olish, yukni topshirish va migratsiya nazorati, shuningdek, tekshirish va xavfsizlikni ta’minlash hududlari kengaytiriladi.
Loyiha yakunlanganidan so‘ng Dubayning ikkinchi aeroporti 24 ta chiqish joyi, 7 ta yukni berish lentasi va 104 ta ro‘yxatga olish darchasiga ega bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)