AQSh saylangan prezidenti Donald Tramp uni demokratlarga qarshi kiberhujumlarda ayblagan Oq uy matbuot kotibi Joshua Ernestni “ahmoq yigit” deb atadi. Bu haqda CNN telekanaliga tayanib, “TASS” xabar bermoqda.
“U ahmoq yigit. Matbuot kotibi lavozimida shunga loyiq inson bo‘lishi juda muhim. U bayonot berishni mutlaqo uddasidan chiqolmayapti”, — deya ta’kidladi Tramp Xershi shahrida (Pensilvaniya shtati) tarafdorlari orasidagi chiqishi chog‘ida.
Oq uy matbuot kotibi Joshua Ernest 15-dekabr, payshanba kuni jurnalistlar uchun brifing davomida Tramp go‘yo Rossiya kiberhududda noqonuniy ishlar bilan shug‘ullanayotganini bilgani, bu faoliyat unga yordam berib, Hillari Klintonga esa ziyon yetkazganini da’vo qilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)