16-dekabr, juma kuni Rossiya prezidentining 11 yillik tanaffusdan keyin Yaponiyaga qilingan tashrifi yakunlandi. Uning natijalariga ko‘ra, iqtisodiy hamkorlik to‘g‘risida bitimlar imzolandi, viza rejimini yengillashtirish va Kuril orollaridagi birgalikdagi xo‘jalik faoliyati belgilab olindi, deb yozadi “RBK”.
Yaponiya investitsiyalari hajmi 2,54 milliard dollarga baholanmoqda. Hududiy muammoning yechimi haqida ko‘p gapirildi, ammo jamoat uchun yangi narsa yangramadi, deyiladi xabarda.
Tinchlik shartnomasini tuzishga, Yaponiya bosh vaziri Sindzo Abe so‘zlariga ko‘ra, yetakchilar besh soat sarfladi. Shartnoma mavjud bo‘lmagan vaziyatni u normal emas, deb hisoblaydi. “Men o‘zimning haqligimga ishonaman, Vladimir ham shunday his qilsa kerak. Biroq o‘z haqligimizni da’vo qilib ushbu muammoni hal eta olmaymiz”, — dedi Yaponiya bosh vaziri.
“Ushbu hududlar bo‘yicha tarixiy ping-pongni bas qilish kerak”, — deya uning fikriga qo‘shildi Vladimir Putin.
Rossiya prezidenti shartnoma tuzish uchun mamlakatlar o‘rtasida ishonch muhitini yaratish kerak, deb hisoblaydi. Bunga iqtisodiy aloqalarning chuqurlashuvi o‘z hissasini qo‘shishi kerak.
Izoh (0)