Буюк Британиянинг Бирменгем шаҳридаги Winson Green қамоқхонасида 600 га яқин маҳбус исён кўтарди. Бу ҳақда «РБК» хабар бермоқда.
The Daily Mail нашрига кўра, маҳбуслар 12 соат давомида қамоқхонанинг бир неча қисми, дорихона, машғулот зали ва техника омборини назоратида ушлаб турган. The Huffington Post газетасининг билдиришича, улар қўриқчилардан калитларни тортиб олгандан сўнг бунга эришган.
Исённи бостиришда ҳуқуқ-тартибот идораларининг 300 нафар ходими иштирок этди. Кечга бориб қамоқхонада тўлиқ тартиб ўрнатилди.
Ҳодиса оқибатида жабрланганлар ҳақида ҳозирча хабар берилмади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)