Kolorado sudi shtatning 9 nafar tanlovchisiga 19-dekabr kuni AQSh prezidentligiga Demokratlar partiyasidan nomzod Hillari Klinton uchun ovoz berish majburiyatini yukladi. Bu haqda “RBK” xabar bermoqda.
Da’vo sudda shtatning saylov qonunlari borasida bahs qilmoqchi bo‘lgan ikki tanlovchi tomonidan kiritilgandi. Mazkur qonunga ko‘ra, Koloradoning barcha tanlovchilari shtatda umumxalq saylovi natijalari bo‘yicha g‘olib chiqqan nomzod uchun ovoz berishga majbur.
Polli Baka va Robert Neymanich amaldagi qonunni bekor qildirish va 19-dekabr kuni bo‘lib o‘tadigan tanlovchilar kollegiyasida Donald Tramp uchun ovoz berishga sud ruxsatini olish niyatida edi.
Koloradoda xalq ovoz berishi natijalariga ko‘ra Hillari Klinton g‘alaba qozondi. Sudya Elizabet Starrs agar tanlovchilar Klinton uchun ovoz berishdan bosh tortgudek bo‘lsa, ularni almashtirish to‘g‘risida hukm chiqardi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)