Italiya parlamenti yuqori palatasi — senat Paolo Jentiloni hukumatiga ishonch bildirdi. Bu haqda “TASS” xabar bermoqda.
Senat rasmiy saytiga ko‘ra, hukumatni yoqlab 169 kishi ovoz berdi. Ishonch bildirilishi uchun esa 160 ovoz kifoya edi.
Ovoz berishda bosh vazir Matteo Rensi iste’fosidan so‘ng sobiq tashqi ishlar vaziri Jentiloni tomonidan shakllantirilgan hukumatni tan olmagan muxolifatdagi “5 yulduz harakati” va “Shimol ligasi” partiyalari vakillari ishtirok etmadi.
13-dekabr, seshanba kuni hukumatga parlament quyi palatasi ham ishonch bildirgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)