Россия президенти Владимир Путин Туркия президенти Ражаб Тоййиб Эрдўғон билан телефон орқали суҳбатлашди. Бу ҳақда Россия президентининг расмий сайти хабар берди.
Истанбулда 10 декабрь куни содир бўлиб, кўп сонли кишилар қурбон бўлишига олиб келган катта кўламли теракт муносабати билан Россия президенти Туркия раҳбарияти ва халқига яна бир бора чуқур ҳамдардлик билдирди, дейилади хабарда. Яқин Шарқ минтақасида террорчилик хавфини нейтраллаштириш бўйича фаол ҳамкорликка тайёрлик тасдиқланди.
Давлат раҳбарлари Сурия муаммоси бўйича фикр алмашди. Хусусан, Алепподаги вазият ривожи муҳокама қилинди. Гуманитар муҳитни яхшилаш, Сурияда реал сиёсий жараённи ишга тушириш мақсадларида ҳамкорликни кучайтириш зарурлиги таъкидланди.
Шунингдек, Россия-Туркия ҳамкорлигининг долзарб масалалари, шу жумладан энергетика соҳасидаги ҳамкорликка ҳам тўхталди.
Изоҳ (0)