АҚШ Эронга қарши санкцияларни яна 10 йилга узайтирди

АҚШ Эронга қарши санкцияларни яна 10 йилга узайтирди. Ҳужжат 15 декабрь, пайшанба кунидан кучга кирди. Бу ҳақда «ТАСС» хабар бермоқда.

АҚШ қонунчилигига кўра, амалдаги президент Барак Обама олдинроқ Конгресс томонидан қабул қилинган Эронга қарши санкцияларни узайтириш тўғрисидаги қонун лойиҳасини ушбу муддатгача имзолаши ёки рад этиши керак эди. Бироқ президент на уни, на буни амалга оширди ва шу тариқа ҳужжат ўз-ўзидан қонунга айланди. 

Мазкур қонун АҚШ президентига Эрон томонидан баллистик ракеталар ишлаб чиқилиши, террорчиликнинг қўллаб-қувватланиши, инсон ҳуқуқлари бузилишига алоқадор жисмоний ва юридик шахсларга қарши санкциялар жорий этиш ҳуқуқини беради.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.