“Chorvoq — Toshkent” yo‘lida 7-dekabr, chorshanba kuni Captiva avtomobili ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta (Drivers.uz)” guruhida fotoxabar qoldirilgan.
“Yomg‘ir yog‘ib, ko‘p joylar ko‘lmak bo‘lib qolgan; suv mashinani ag‘darib yuboryapti. Ehtiyot bo‘linglar”, — deb yozgan o‘z xabariga fotosuratni ilova qilgan foydalanuvchi.
Suratda oq rangli Captiva avtomobili yo‘l yoqasida ag‘darilib yotganini ko‘rish mumkin. Avtomobil ichida bo‘lganlarning ahvoli haqida aniq ma’lumot yo‘q.
“Yo‘lda suv to‘planib, ko‘lmak bo‘lib yotibdi, mashinani surib yuboryapti. Ehtiyot bo‘linglar, sekinroq yurish kerak”, — deb yozgan foydalanuvchilardan yana biri.
Foydalanuvchilar Captiva’dan tashqari bu yo‘lda Lacetti avtomobili ishtirokida ham shunga o‘xshash avariya yuz bergani haqida yozgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)