AQSh hukumati Shimoliy Dakotadagi neft quvuri qurilishini noma’lum muddatga to‘xtatdi va qurilishning alternativ yo‘nalishlarini ko‘rib chiqishni rejalashtirmoqda. Bunga mahalliy hindularning uzoq vaqt davom etgan namoyishlari sabab bo‘ldi, deb yozadi TJournal.
AQSh armiyasi muhandislik korpusi rahbariyatining so‘zlariga qaraganda, quvur yotqizish rejasi qurilishning alternativ yo‘nalishi topilgunga qadar vaqtincha to‘xtatilgan.
Bu jarayon neft quvuri o‘tkazish mamlakatning boshqa hududlari ekologiyasiga qanday ta’sir qilishi aniqlangunga qadar uzoq muddatga to‘xtab qolishi mumkin.
Namoyishchilar qurilish ishlarining to‘xtatib qo‘yilishini xursandchilik bilan qarshi oldi. Biroq AQSh prezidentligiga saylangan Donald Tramp neft quvuri qurilishining dastlabki strategiyasini qo‘llab-quvvatlashini ma’lum qilgan.
Shimoliy Dakotadan Illinoysga qadar yetuvchi, uzunligi 1185 kilometrni tashkil etuvchi quvur loyihasi 3,7 milliard dollarga baholanmoqda. Quvurning katta qismi qurib bo‘lingan. Dastlabki rejaga ko‘ra, Dakota va Minnesota chegarasida quvur Mississipi daryosini kesib o‘tishi kerak. Bu esa 2016-yilning aprelida boshlanib ketgan mojaro va namoyishlarga sabab bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)