AQSh Davlat departamenti rasmiy vakili Mark Toner Rossiyaning Aleppodagi mobil gospitaliga berilgan zarba qoralanishini ma’lum qildi. Bu haqda “Gazeta.ru” xabar bermoqda.
“Bu haqdagi xabarlarni ko‘rdik, biroq bizda ularni tasdiqlash imkoniyati yo‘q. Janglar va ma’lumot olishdagi muammolar tufayli bu ancha mushkul masala. Biroq, kim — muxolifat, jangarilar yoki Asad tuzumi kuchlari bo‘lishidan qat’i nazar, istalgan fuqarolik obyektlari, jumladan, kasalxona va maktablarning o‘qqa tutilishini qoralaymiz”, — dedi Toner.
Eslatib o‘tamiz, 5-dekabr, dushanba kuni Rossiyaning Aleppodagi mobil gospitaliga berilgan zarba tufayli 2 nafar rossiyalik harbiy shifokor ayol halok bo‘ldi, bir shifokor og‘ir jarohatlandi.
Izoh (0)