Texas shtatidan saylashga vakil qilingan Kris Suprun 19-dekabr kuni AQShdagi prezidentlik saylovlari g‘olibini rasman tasdiqlash chog‘ida Donald Tramp uchun ovoz berishdan bosh tortdi, deb yozadi TJournal. Bungacha u Trampni qo‘llab-quvvatlab kelgan edi, biroq endi o‘z fikrini o‘zgartirdi.
“Men bu yerda qirolni emas, prezidentni saylayapman. Menga aytishgan ediki, agar biz Donald Trampni saylasak, u o‘z fe’l-atvorini prezidentga munosib bo‘lgan tomonga o‘zgartiradi. Biroq u bunday qilmayapti”, — dedi Suprun.
Tibbiyot xodimi bo‘lib ishlaydigan Suprun Trampga ovoz bermaslik haqida unga yuzlab elektron xatlar va qo‘ng‘iroqlar kelib tushganini ma’lum qildi.
Saylov vakili omma oldida bosh tortgan taqdirda, u ovoz berishdan o‘zini chetga olish imkoniyatiga ega bo‘ladi, chunki Respublikachilar partiyasi bo‘linmasida uning o‘rniga boshqa kishini qo‘yish uchun yetarlicha vaqt bor.
Izoh (0)