AQSh sobiq davlat kotibi Hillari Klinton prezident saylovlaridagi mag‘lubiyatiga qaramay, uning uchun berilgan byulletenlar soni bo‘yicha Donald Trampdan 2 millionta ovozga o‘zib ketdi, deb yozadi “TASS” Politico nashriga tayanib.
Klinton uchun 64 223 958 kishi, Tramp uchun esa 62 206 395 kishi ovoz bergan. Har bir nomzod uchun berilgan ovozlar soni bo‘yicha yakuniy rasmiy ma’lumotlar hozircha noma’lum.
Ammo ushbu raqamlar saylangan prezidentning g‘alabasiga endi ta’sir o‘tkaza olmaydi. AQShdagi saylov tizimiga ko‘ra, prezident saylovlari to‘g‘ridan-to‘g‘ri emas, saylovchilar u yoki bu nomzodni qo‘llab-quvvatlovchi saylashga vakil qilingan kishilarga ovoz beradi.
Prezidentlikka nomzod g‘olib bo‘lishi uchun 270 dan ortiq saylov vakilining ovozini qo‘lga kiritishi kerak, Tramp ayni paytda 290 nafar vakilning ovoziga ega bo‘ldi va ovozlarning yakuniy hisob-kitobi ma’lum bo‘lmasdan turib g‘olib deb e’lon qilindi.
Izoh (0)