АҚШ собиқ давлат котиби Ҳиллари Клинтон президент сайловларидаги мағлубиятига қарамай, унинг учун берилган бюллетенлар сони бўйича Дональд Трампдан 2 миллионта овозга ўзиб кетди, деб ёзади «ТАСС» Politico нашрига таяниб.
Клинтон учун 64 223 958 киши, Трамп учун эса 62 206 395 киши овоз берган. Ҳар бир номзод учун берилган овозлар сони бўйича якуний расмий маълумотлар ҳозирча номаълум.
Аммо ушбу рақамлар сайланган президентнинг ғалабасига энди таъсир ўтказа олмайди. АҚШдаги сайлов тизимига кўра, президент сайловлари тўғридан-тўғри эмас, сайловчилар у ёки бу номзодни қўллаб-қувватловчи сайлашга вакил қилинган кишиларга овоз беради.
Президентликка номзод ғолиб бўлиши учун 270 дан ортиқ сайлов вакилининг овозини қўлга киритиши керак, Трамп айни пайтда 290 нафар вакилнинг овозига эга бўлди ва овозларнинг якуний ҳисоб-китоби маълум бўлмасдан туриб ғолиб деб эълон қилинди.
Изоҳ (0)