Saudiya Arabistoni sentabrda bir kunda qazib olinadigan neft hajmi bo‘yicha Rossiyadan o‘zib ketdi

Rossiya 2016-yil sentabrida sutkasiga 10,28 million barrel neft qazib chiqargan va ushbu ko‘rsatkich bo‘yicha Saudiya Arabistonidan ortda qolgan, deb yozadi “TASS” Rossiya Davlat statistikasi federal xizmatiga tayanib.

Saudiya Arabistonida neft qazib chiqarish kuzning birinchi oyida sutkasiga qariyb 10,5 million barrelni tashkil qilgan. OPEK (Neft qazib chiqaruvchi mamlakatlar tashkiloti) mamlakatlarida bir sutkada qazib olinadigan neft hajmi jami 33,39 million barrelga teng bo‘lgan, xususan, Iroqda 4,46 million barrel neft qazib chiqarilgan.

“Rosstat” ma’lumotlariga ko‘ra, Rossiyadan neft eksporti 2016-yil yanvar—sentabrida o‘tgan yilning shu davriga nisbatan 5,5 foizga oshib, 189,8 million tonnani tashkil etdi.