Xitoyda Shensi provinsiyasining yer va tabiiy resurslar boshqarmasi sobiq boshlig‘i Van Denszi 66,24 million yuan (taxminan 9,67 million dollar) pora olgani uchun bir umrlik qamoqqa mahkum etildi, deb yozadi “Korrespondent.net”.
Sud Van Denszi 2003—2013-yillar davomida o‘z lavozimini suiiste’mol qilib, pora olgan deb topdi.
U, shuningdek, siyosiy huquqlardan butun umrga mahrum etildi, uning shaxsiy mulki esa musodara qilinadi.
Van Denszi sentabrda partiya intizomini buzgani uchun Xitoy Kommunistik partiyasi safidan o‘chirilgan edi.
Korrupsiyaga qarshi kurash bo‘yicha keng ko‘lamli kampaniya 2012-yil noyabrida Si Szinpin Xitoy Kommunistik partiyasi Markaziy qo‘mitasi bosh kotibi lavozimini, 2013-yil martida esa Xitoy Xalq Respublikasi raisi lavozimini egallagach, boshlangan edi. O‘shandan buyon minglab amaldorlar partiya intizomini buzgani va korrupsiya uchun jazolandi.
Izoh (0)