Hindiston shimolida Indor—Patna yo‘nalishidagi tezkor poyezdning izdan chiqishi oqibatida kamida 96 kishi halok bo‘ldi. Yana 100 dan ortiq kishi turli jarohat oldi va yaqin oradagi tibbiy muassasalarga yetkazildi. Bu haqda “RBK” xabar bermoqda.
Hodisa 20-noyabr, yakshanbaga o‘tar kechasi Uttar-Pradesh shtatining Pukrayan shahrida ro‘y berdi. Jami 14 ta vagon izdan chiqib ketdi, buning sabablari hozircha ma’lum emas.
Guvohlarning ta’kidlashicha, eng ko‘p qurbonlar lokomotiv yaqinidagi ikki vagonda bo‘lgan. Hozirda qutqaruvchilar halokat joyida ishlashda davom etmoqda. Yo‘lovchilarni vagonlar ostidan chiqarib olish uchun og‘ir texnika, jumladan, avtoko‘targichlardan foydalanilmoqda.
Bosh vazir Narendra Modi halok bo‘lganlarning oilasiga hamdardlik bildirdi.
Izoh (0)