Yaponiya imperatori Akixitoning kelini malika Kiko va nabirasi shahzoda Xisaxito yo‘l-transport hodisasiga duch keldi. Bu haqda “TASS” xabar bermoqda.
Avtohalokat Kanagava prefekturasining Sagamixara shahrida ro‘y bergani bildirilmoqda. Dastlabki ma’lumotlarga ko‘ra, yo‘l-transport hodisasi ishtirokchisi bo‘lgan avtomobillardan biri oldinda ketayotgan mashinaga borib urilgan, biroq bunda aynan kim aybdor ekanligi hozircha ma’lum emas. Imperator saroyi boshqarmasining bildirishicha, imperator oilasi vakillari jabrlanmagan.
Ma’lumot uchun, malika Kiko imperator Akixitoning kichik o‘g‘li shahzoda Akisinoning turmush o‘rtog‘i bo‘ladi.
Izoh (0)