Moldova Markaziy saylov komissiyasi mamlakatda o‘tkazilgan prezident saylovi natijalarini tasdiqlash uchun Konstitutsion sudga taqdim etdi. Ushbu saylov yakunlariga ko‘ra Rossiya bilan hamkorlik tarafdorlarining nomzodi bo‘lmish Igor Dodon g‘alaba qozondi, deb xabar beradi “TASS”.
“Konstitutsion sud ixtiyorida saylov yakunlarini haqiqiy deb topish uchun 10 kun bor”, — dedi MSK matbuot kotibi Rodika Sirbu.
Sirbuning ma’lum qilishicha, saylov yuzasidan olingan barcha shikoyatlar ham sudga topshirilgan, yakuniy qaror qabul qilish oldidan ular ham ko‘rib chiqiladi. Ma’lumki, saylovda Yevropa tarafdorlarining yagona nomzodi sifatida ishtirok etib, Igor Dodondan mag‘lub bo‘lgan Mayya Sandu saylov natijalarini shubha ostiga olgani ma’lum bo‘lgan edi.
Izoh (0)