Peruda Osiyo-Tinch okeani iqtisodiy hamkorlik sammitida qatnashish uchun Limaga yetib kelgan Rossiya prezidenti Vladimir Putinga sviter sovg‘a qilish uchun yaqinlashishga uringan ayol qo‘lga olindi. Bu haqda qo‘lga olingan ayol mahalliy RPP radiostansiyasi efirida ma’lum qildi, deb yozadi “RBK”.
Xulio Kastro nomli ayolning ma’lum qilishicha, u kiyim ishlab chiqaruvchi kichik biznesning sohibasi hisoblanadi. Ayol Rossiya rahbariga korxonasi tomonidan chiqarilgan sviterni sovg‘a qilishga harakat qilganida xavfsizlik xizmati xodimlari tomonidan qo‘lga olingan. Shundan keyin ko‘rsatma berishi uchun politsiya bo‘limiga yetkazilgan.
Kastroning so‘zlariga qaraganda, avvalroq ushbu sammit doirasida u Facebook ijtimoiy tarmog‘i asoschisi Mark Sukerberg bilan uchrashishga muvaffaq bo‘lgan.
Izoh (0)