Pokiston qurolli kuchlari 130–140 yadro kallaklari, shuningdek, ularni yetkazish vositalari, jumladan, F-16 qiruvchi samolyotlariga ega. AQShda chop etiladigan yadro xavfsizligi masalalariga oid Bulletin of Atomic Scientists nashri ekspertlari shunday hisoblamoqda, deb xabar beradi “TASS”.
Ekspertlarga ko‘ra, Islomobod egalik qilayotgan yadro quroli soni ortib bormoqda. 1999-yilda AQSh mudofaa vazirligi razvedka boshqarmasi 2020-yilga kelib Pokistonda 60–80 yadro kallagi bo‘lishini taxmin qilgandi. Biroq oxirgi ma’lumotlar Islomobod 130–140 kallakga egaligini ko‘rsatmoqda.
Amerikalik mutaxassislar agar holat shunday davom etsa, 2025-yilga kelib Pokistonda 220–250 jangovar kallak bo‘lishi va mamlakat yadro quroli zaxiralari bo‘yicha dunyoda beshinchi davlatga aylanishi mumkinligini ta’kidlamoqda.
Izoh (0)