Ўзбекистон ички ишлар вазирлиги ва унинг ҳудудий бўлинмалари Президент сайловига тайёргарлик ва уни ўтказиш чоғида хавфсизликни таъминлаш чораларини амалга оширмоқда. Бу ҳақда вазирлик инсон ҳуқуқларини ҳимоя этиш ва юридик таъминот бошқармаси бошлиғи Илҳом Турғунов маълум қилди, дея хабар беради «Газета.uz».
«Ички ишлар идоралари сайлов кампанияси даврида жамоат тартибини сақлаш, фуқаролар ва республика меҳмонлари хавфсизлигини таъминлаш учун зарур барча тадбирларни амалга оширмоқда. Сайлов округлари ва участкалари хавфсизлигини таъминлаш учун етарлича ходим, автотранспорт, алоқа воситалари ва бошқа жиҳозлар ажратилган», — дея таъкидлади И.Турғунов.
Вазирлик вакилига кўра, сайлов куни йўл ҳаракати хавфсизлигини таъминлашга ҳам эътибор қаратилмоқда. Сайлов участкаларига олиб борадиган йўлларга қўшимча йўл белгилари ўрнатилмоқда. Бугунги кунгача участкалар яқинида 3953 автотураргоҳ тайёр ҳолатга келтирилди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)