Toshkent viloyatining Yik-ota qo‘rg‘oni yaqinida Cobalt avtomobili ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta” guruhida fotoxabar qoldirilgan.
Hodisa 13-noyabr, yakshanba kuni 15:30 atrofida yuz bergan. Avariya aynan qanday yuz bergani, Cobalt qanday qilib nosoz ahvolga kelgani haqida aniq axborot yo‘q.
Avtomobil ichida bo‘lganlarning omon qolgani haqida ham aniq axborot yo‘q. Fotoxabar muallifi haydovchi tirik qolgani haqida yozgan, biroq hodisa guvohlaridan biri oxir-oqibat haydovchining joni uzilganini yozib o‘tgan.
Mazkur hodisa yuzasidan tegishli organlar hozircha rasmiy bayonot bergan emas.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)