Kalugadagi “Folksvagen Grup Rus” zavodi konveyeridan nosoz Volkswagen Tiguan yo‘ltanlamaslari turkumi chiqqan. Bu haqda korxonadagi manba ma’lum qildi, deya xabar beradi “TASS”.
“Zavoddan 400 mashinadan iborat turkum chiqarilgan, 100 ga yaqini mijozlarga yetkazib berilgan. Ularning aksariyati dvigateldagi nosozliklar sababli dilerlarga murojaat etmoqda. Ko‘pchilik mashinalar hatto 300 kilometr ham yurmay buzilgan. Avtomobillarga o‘rnatilgan dvigatellar Kalugada ishlab chiqarilmagan, zavodga Polsha yoki Germaniyadan olib kelingan”, — deya ma’lum qilgan manba.
Nosoz dvigatellarga ega turkum Rossiyaning turli mintaqalaridagi dilerlik tarmoqlariga yetkazilgan, bir qismi xorijga yuborilgan. Ayni paytda yuz bergan holatning barcha tafsilotlari aniqlanguncha mijozlarga Tiguan avtomobillari berilishi to‘xtatildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)