Gruziyaning sobiq prezidenti Mixail Saakashvilining rafiqasi Sandra Rulovs mamlakatda oktabr oyida o‘tkazilgan parlament saylovlari natijalariga ko‘ra qo‘lga kiritgan deputatlik mandatidan voz kechdi. Bu haqda “Interfaks” xabar bermoqda.
7-noyabr, dushanba kuni Rulovs Gruziya markaziy saylov komissiyasiga deputatlik mandatini to‘xtatish haqidagi ariza bilan murojaat etdi.
Yangi chaqiriq parlamentiga Rulovs muxolifatdagi “Yagona milliy harakat” partiyasi tarkibida o‘tgan. Partiya ro‘yxatida u ikkinchi o‘rinda qayd etilgandi.
Eslatib o‘tamiz, oldinroq Mixail Saakashvili Odessa gubernatorligidan iste’fo bergani haqida ma’lum qilingandi.
Izoh (0)