AQSh prezidentligiga muddatidan oldingi saylovlarda rekord sondagi saylovchilar qatnashdi. Pochta orqali yoki saylov uchastkalarida 46,2 million kishi o‘z tanlovini amalga oshirdi, deb yozadi “RBK”.
Associated Press ma’lumotlariga ko‘ra, rekord ko‘rsatkichlar 28 ta shtat va Kolumbiya okrugida qayd etilgan. Taxminlarga ko‘ra, muddatidan oldingi ovozlarning umumiy soni 50 milliontaga yetishi mumkin, bu saylovlarda ishtirok etadiganlar umumiy sonining 40 foizi demakdir.
AQShda umumiy saylovlar 8-noyabr kuni bo‘lib o‘tadi. Saylovchilar prezident va vitse-prezidentni saylashi, shuningdek, Vakillar palatasining barcha 435 a’zosini, 100 nafar Kongress senatorlarining 34 nafarini, 12 ta shtat va ikkita hudud gubernatorlarini hamda 15 ta yirik shahar merlarini qayta saylashi kerak.
Izoh (0)