Filippinda faoliyat olib boradigan Abu Sayyaf guruhi jangarilari germaniyalik yaxtachini o‘g‘irlab ketgan bo‘lishi mumkin. Bu haqda guruh yetakchisi tomonidan yozilgan audiomurojaatga tayanib, mamlakat armiyasi vakili ma’lum qildi, deya xabar beradi “Korrespondent.net”.
Sulu provinsiyasidagi Laparan oroli yaqinidan topilgan kemadan ayol kishining (u yaxtachining xotini bo‘lishi mumkin) jasadi topildi. Jangarilarga ko‘ra, kema Malayziyaning Saboh shtati hududida suzib ketayotganida qo‘lga olingan.
Yaxtadan 70 yoshli Yurgen Kantner va uning turmush o‘rtog‘i Sabin Marverning pasportlari topildi. 2008-yilda er-xotin 52 kun somalilik qaroqchilar asirligida bo‘lgan va garov puli to‘langanidan so‘ng ozod qilingandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)