Филиппинда фаолият олиб борадиган Абу Сайяф гуруҳи жангарилари германиялик яхтачини ўғирлаб кетган бўлиши мумкин. Бу ҳақда гуруҳ етакчиси томонидан ёзилган аудиомурожаатга таяниб, мамлакат армияси вакили маълум қилди, дея хабар беради «Корреспондент.net».
Сулу провинциясидаги Лапаран ороли яқинидан топилган кемадан аёл кишининг (у яхтачининг хотини бўлиши мумкин) жасади топилди. Жангариларга кўра, кема Малайзиянинг Сабоҳ штати ҳудудида сузиб кетаётганида қўлга олинган.
Яхтадан 70 ёшли Юрген Кантнер ва унинг турмуш ўртоғи Сабин Марвернинг паспортлари топилди. 2008 йилда эр-хотин 52 кун сомалилик қароқчилар асирлигида бўлган ва гаров пули тўланганидан сўнг озод қилинганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)