AQShda 45-prezident saylovi boshlandi, deb yozadi “RBK”. Mahalliy vaqt bilan yarim tunda (Toshkent vaqti bilan 8-noyabr 10:00) Nyu-Gempshir shtatining Diksvill Notch qishlog‘ida saylov uchastkalari ochildi va sakkiz nafar aholining barchasi ovoz berib bo‘lgach, darhol yopildi.
Ovoz berish natijalariga ko‘ra, Demokratik partiyadan nomzod Hillari Klinton to‘rtta ovoz, respublikachi nomzod Donald Tramp ikkita ovoz to‘pladi. Shuningdek, Libertarian partiyasidan nomzod Geri Jonson hamda Mitt Romniga bittadan ovoz berildi.
Nyu-Gempshir qonunchiligiga ko‘ra, 100 nafardan kam saylovchilar istiqomat qiladigan aholi punktlari saylov uchastkalarini yarim tunda ochib, ro‘yxatga olingan saylovchilarning barchasi o‘z ovozlarini berib bo‘lgach, darhol yopish uchun ruxsat olishi mumkin.
Eslatib o‘tamiz, avvalroq shanxaylik bashoratchi maymun AQSh prezidentligiga saylovlarda Tramp g‘olib chiqishini karomat qildi.
Izoh (0)