Albaniya va Kosovoda teraktlarga tayyorgarlik hamda Suriyadagi urushga odam yollashda gumon qilinayotgan 11 kishi qo‘lga olindi. Bu haqda “TASS” xabar bermoqda.
Albaniya politsiyasi 5-noyabr, shanba kuni terrorizmni moliyalashtirish va ekstremistik targ‘ibot olib borishda gumon qilingan 4 kishi hibsga olinganini ma’lum qildi. O‘sha kunning o‘zida Kosovoda terrorchilik va jamoat xavfsizligiga tahdid tug‘dirishda gumon qilinib, 7 kishi qo‘lga olindi. Ular Bolqonda hujumlar uyushtirishni rejalashtirgani va mintaqadagi terrorchilik guruhlari bilan hamkorlik qilgani bildirilmoqda.
Qayd etish joizki, Albaniya va Kosovoning ko‘plab fuqarolari Suriyaga jang qilish uchun jo‘namoqda. Ikki davlat ham yaqinda jinoiy kodekslariga xorijdagi harbiy mojarolarda ishtirok etganlik uchun qamoq jazosi muddatini ko‘paytirish va 10 yilgacha etib belgilashni ko‘zda tutuvchi o‘zgarishlar kiritdi.
Izoh (0)