Албания ва Косовода терактларга тайёргарлик ҳамда Суриядаги урушга одам ёллашда гумон қилинаётган 11 киши қўлга олинди. Бу ҳақда «ТАСС» хабар бермоқда.
Албания полицияси 5 ноябрь, шанба куни терроризмни молиялаштириш ва экстремистик тарғибот олиб боришда гумон қилинган 4 киши ҳибсга олинганини маълум қилди. Ўша куннинг ўзида Косовода террорчилик ва жамоат хавфсизлигига таҳдид туғдиришда гумон қилиниб, 7 киши қўлга олинди. Улар Болқонда ҳужумлар уюштиришни режалаштиргани ва минтақадаги террорчилик гуруҳлари билан ҳамкорлик қилгани билдирилмоқда.
Қайд этиш жоизки, Албания ва Косовонинг кўплаб фуқаролари Сурияга жанг қилиш учун жўнамоқда. Икки давлат ҳам яқинда жиноий кодексларига хориждаги ҳарбий можароларда иштирок этганлик учун қамоқ жазоси муддатини кўпайтириш ва 10 йилгача этиб белгилашни кўзда тутувчи ўзгаришлар киритди.
Изоҳ (0)