Tailandda 13-oktabr kuni vafot etgan qirol Pxumipon Adulyadetga tutilayotgan motam munosabati bilan ko‘ngilochar tadbirlar va bayramlarga qo‘yilgan taqiq 14-noyabr kuni bekor qilinadi. Bu haqda mamlakat hukumati saytida ma’lum qilindi, deb xabar beradi “Interfaks”.
Shu kundan boshlab milliy va mintaqaviy festivallar, yarmarkalar, madaniy tadbirlar va tanlovlar, kechalar, konsertlar, sport musobaqalari o‘tkazishga ruxsat beriladi, tungi klublar, pab va barlar ishlay boshlaydi. Telekompaniyalar va radiostansiyalar ko‘ngilochar dasturlarini tiklashi mumkin, biroq hukumat ular bilan mazkur dasturlarning mazmuni borasida hamkorlik qilish niyatida.
Jamoatchilik va sayyohlar o‘z bilganicha kiyinishi mumkin, biroq mansabdor shaxslarga bir yil mobaynida motam tutish tavsiya etilgan.
Izoh (0)