London City aeroportidan 500 nafar yo‘lovchi evakuatsiya qilindi

Buyuk Britaniyaning London City aeroportidan yo‘lovchilar evakuatsiya qilindi. Bu haqda “Vedomosti” xabar bermoqda.

Aeroportda yong‘in signalizatsiyasi ishlab ketdi. Ayrim yo‘lovchilar o‘zlarini noxush sezayotganidan shikoyat qildi. 26 kishi “kimyoviy hodisa” tufayli jabrlandi. Ularga joyida yordam ko‘rsatildi, ikki nafari esa kasalxonaga yetkazildi.

Yong‘inga qarshi kurash xizmati xodimlariga ko‘ra, jami 500 nafar yo‘lovchi va aeroport xodimlari evakuatsiya qilindi. O‘nlab yo‘lovchilar terminal hududidan tashqariga, uchish maydoniga ko‘chirilgan.

Hozirda aeroport faoliyat ko‘rsatmayapti. “Kimyoviy hodisa” nimadan iborat ekanligiga aniqlik kiritilmadi.