Elbrusda joriy yil 2006-yildan beri rekord darajada sayyohlar halok bo‘lgani qayd etildi. Bu haqda Elbrus qidiruv-qutqaruv otryadi boshlig‘i Abdulloh Guliyev ma’lum qildi, deya xabar bermoqda “TASS”.
“Bu yil oldingilariga solishtirganda odamlar kelishi juda ko‘p bo‘ldi, Elbrusning o‘ziga 20 mingdan ortiq sayyoh keldi. Afsuski, noxush hodisalar soni ham ortdi. Elbrusda 30 kishi, umuman Kabarda-Balkariya tog‘larida esa jami 40 kishi halok bo‘ldi. Bunchalik ko‘p sayyohning respublika tog‘larida o‘lim topishi 2006-yildan beri kuzatilmagandi”, — deya ta’kidladi Guliyev.
Otryad boshlig‘iga ko‘ra, favqulodda hodisalar soni ko‘payishiga tog‘ turizmi tobora ommalashib borayotgani sabab bo‘lishi mumkin. Ularga barham berish uchun professional yo‘l ko‘rsatuvchilarni maxsus tayyorlash, murakkab yo‘nalishlarda sayyohlik guruhlarini majburiy tartibda ro‘yxatdan o‘tkazish talab etiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)