AQSh prezidentligiga Respublikachilar partiyasidan nomzod Donald Tramp saylov natijalarini faqat o‘zi g‘olib chiqqan taqdirdagina tan olishini ma’lum qildi. Bu haqda “RBK” xabar bermoqda.
“Saylovlar natijalarini qabul qilaman, biroq ular shubhali bo‘lgan taqdirda sudga da’vo bilan murojaat etish huquqini o‘zimda saqlab qolaman”, — deya ta’kidladi Tramp Ogayo shtatida tarafdorlari orasidagi chiqishi chog‘ida.
Demokratlar partiyasi vakili Hillari Klinton bilan o‘tkazilgan oxirgi, yakuniy debatlar davomida Tramp saylovlardagi mag‘lubiyatini tan olish-olmasligi haqidagi savoldan ikki bor o‘zini olib qochdi.
Politico nashriga ko‘ra, Tramp o‘zini bunday tutish bilan AQSh siyosiy tizimi barqarorligi alomati bo‘lgan saylovlarning har qanday natijalarini tan olish an’anasini buzmoqda.
Izoh (0)