Jahon banki kelgusi yili neft narxi 55 dollar bo‘lishini taxmin qildi

Jahon banki 2017-yildagi neft narxi bashoratini bir barreli uchun 53 dollardan 55 dollarga oshirdi. Bu OPEK davlatlari neft qazib olish hajmini cheklashga tayyorgarlik ko‘rayotgani bilan bog‘liq, deya xabar beradi “Vedomosti”.

Bank ekspertlarining har choraklik “Birja tovarlari bozori istiqbollari” hisobotiga ko‘ra, kelgusi yili neft, tabiiy gaz va ko‘mir narxi iyulda kutilgan 22,2 foiz o‘rniga 24 foizga oshadi. Joriy yildagi neft qiymati esa, avval taxmin qilinganidek, bir barreli uchun 43 dollar atrofida qoladi.

Eslatib o‘tamiz, oldinroq Xalqaro valyuta jamg‘armasi 2017-yili neftning o‘rtacha narxi bir barreli uchun 43 dollardan 51 dollarga ko‘tarilishi, yaqin 5 yil mobaynida esa 60 dollardan oshmasligini taxmin qilgandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.