O‘zbekistonlik grossmeyster, 17-jahon chempioni Rustam Qosimjonov Toshkentda o‘tayotgan “Shaxmat Yulduzlari” festivalining ikkinchi kunida birinchi mag‘lubiyatini qabul qilib oldi, deb yozdi “Olamsport”. Musobaqaning ilk kunida u 3 ta raqibga qarshi dona surib, hammasida durang o‘ynagandi.
Ikkinchi kunga kelib ham Qosimjonov ketma-ket ikkita durang o‘ynadi. Avvaliga ukrainalik Ruslan Ponomoryov, keyinroq esa ozarbayjonlik Shahriyor Mamadiyorov o‘zbekistonlik grossmeyster bilan murosaga rozi bo‘ldi. Isroillik Boris Gelfandga qarshi kechgan uchinchi partiyada Qosimjonov imkoniyatni boy berdi.
2-turdan keyin 2,5 ochkosi bor o‘zbekistonlik shaxmatchi 3-o‘rinni egallab turibdi. Shahriyor Mamadiyorov hisobida 4,5, Boris Gelfandda esa 3 ochko jamg‘arilgan. Ruslan Ponomoryov 2 ochkoga ega.
3-turdan keyin eng ko‘p ochko to‘plagan shaxmatchi Amir Temur tavalludining 680-yilligi uchun o‘tkazilgan turnirning bosh sovrini — 20 ming AQSh dollarini qo‘lga kiritadi. Musobaqaning umumiy mukofot jamg‘armasi 50 ming dollar etib belgilangan.
“Shaxmat Yulduzlari” 2-tur bellashuvlari 19-oktabr, chorshanba
Qosimjonov — Ponomaryov 0,5:0,5Mamadiyorov — Gelfand 1:0
Ponomaryov — Gelfand 0:1Qosimjonov — Mamadiyorov 0,5:0,5
Mamadiyorov — Ponomaryov 1:0Gelfand — Qosimjonov 1:0
Izoh (0)