Ўзбекистонлик гроссмейстер, 17-жаҳон чемпиони Рустам Қосимжонов Тошкентда ўтаётган «Шахмат Юлдузлари» фестивалининг иккинчи кунида биринчи мағлубиятини қабул қилиб олди, деб ёзди «Оламспорт». Мусобақанинг илк кунида у 3 та рақибга қарши дона суриб, ҳаммасида дуранг ўйнаганди.
Иккинчи кунга келиб ҳам Қосимжонов кетма-кет иккита дуранг ўйнади. Аввалига украиналик Руслан Пономорёв, кейинроқ эса озарбайжонлик Шаҳриёр Мамадиёров ўзбекистонлик гроссмейстер билан муросага рози бўлди. Исроиллик Борис Гелфандга қарши кечган учинчи партияда Қосимжонов имкониятни бой берди.
2-турдан кейин 2,5 очкоси бор ўзбекистонлик шахматчи 3-ўринни эгаллаб турибди. Шаҳриёр Мамадиёров ҳисобида 4,5, Борис Гелфандда эса 3 очко жамғарилган. Руслан Пономорёв 2 очкога эга.
3-турдан кейин энг кўп очко тўплаган шахматчи Амир Темур таваллудининг 680 йиллиги учун ўтказилган турнирнинг бош соврини — 20 минг АҚШ долларини қўлга киритади. Мусобақанинг умумий мукофот жамғармаси 50 минг доллар этиб белгиланган.
«Шахмат Юлдузлари» 2-тур беллашувлари 19 октябрь, чоршанба
Қосимжонов — Пономарёв 0,5:0,5Мамадиёров — Гелфанд 1:0
Пономарёв — Гелфанд 0:1Қосимжонов — Мамадиёров 0,5:0,5
Мамадиёров — Пономарёв 1:0Гелфанд — Қосимжонов 1:0
Изоҳ (0)