“Barselona” sobiq futbolchisi Ronaldinyo klubning dunyodagi elchisiga aylanadi. Bu haqda Ispaniyaning Mundo Deportivo nashriga tayanib, “TASS” xabar bermoqda.
13-oktabr, payshanba kuni sportchi kataloniyaliklarning xalqaro sahnadagi ta’sirini oshirish bo‘yicha rejalaridagi o‘rnini muhokama etish uchun “Barselona” prezidenti Xosep Bartomeu va klubning boshqa rahbarlari bilan uchrashdi.
Sentabrda “Barselona” Nyu-Yorkda o‘z ofisini ochdi va Amerika bozoriga chiqdi. Ronaldinyo ochilish marosimida ishtirok etdi va bu bilan AQSh auditoriyasining ushbu voqeaga e’tiborini jalb etdi.
Ma’lumot uchun, hozirda 36 yoshli Ronaldinyo biror klub bilan shartnomaga tuzmagan va erkin agent maqomiga ega. Oldinroq u 2017-yilda professional faoliyatini yakunlashini e’lon qilgandi.
Izoh (0)