Rossiyalik 200 harbiy xizmatchi Misrga yetib keldi — bu yerda ular “Do‘stlik muhofizlari–2016” Misr-Rossiya qo‘shma harbiy mashg‘ulotlarida ishtirok etadi. Bu haqda “Interfaks” xabar bermoqda.
Desantchilar beshta Il-76MD samolyotida mashg‘ulotlar joyiga olib kelindi. Rossiyalik harbiylar buning uchun 3 ming kilometr masofa bosib o‘tdi, deb ma’lum qildi mamlakat mudofaa vazirligi.
Desantchilardan tashqari, Misrga 500 kilogramm oziq-ovqat, 50 ta “Arbalet-1” va “Arbalet-2” maxsus mo‘ljal parashyut tizimlari, shuningdek, 70 tacha D-10 parashyutlari yetkazildi.
Mashg‘ulotlar 15–26-oktabr kunlari bo‘lib o‘tadi.
Izoh (0)