AQShning Islom hamkorlik tashkilotidagi (IHT) maxsus elchisi vazifasini bajaruvchi Arsalan Sulaymon 17—22-oktabr kunlari O‘zbekistonda bo‘ladi. Bu haqda UzDaily xabar bermoqda.
O‘zbekistonga tashrifi chog‘ida elchi Toshkentda 18—19-oktabr kunlari bo‘lib o‘tadigan IHT tashqi ishlar vazirlari 43-sessiyasida ishtirok etadi.Arsalan Sulaymon rasmiylar va diniy tashkilotlar vakillari bilan muzokaralar o‘tkazadi, shuningdek, Toshkent islom universitetiga tashrif buyuradi. Toshkent, Samarqand va Buxoro shaharlaridagi diniy va madaniy obidalar bilan tanishadi.