Meksikada yil davomida 11 nafar jurnalist o‘ldirildi. Bu haqda “Korrespondent.net” xabar bermoqda.
“Shimoliy va Janubiy Amerikada 2016-yil boshidan beri 20 nafar hamkasbimiz o‘ldirildi. Ulardan 11 nafari Meksikada halok bo‘lganini ma’lum qilish menga juda qiyin va og‘ir”, — deya ta’kidladi Amerika matbuot jamiyati prezidenti Pyer Manigo.
Manigo Meksika prezidenti Enrike Penya Nyetoga murojaat etar ekan, “Janob prezident, Siz, albatta, mamlakatdagi ushbu o‘rganilmagan va jazosiz qolayotgan qotilliklardan xabardorsiz”, deya kinoya qildi.
Ma’lumot uchun, 2000-yildan beri Meksikada 115 nafar jurnalist halok bo‘ldi, 20 nafari bedarak yo‘qoldi. OAVlarga 50 marotaba hujum uyushtirildi.
Izoh (0)