Dow Jones fond bozoridagi firibgarliklarda gumon etilayotgan treyder AQShga ekstraditsiya qilinadi

Dow Jones fond bozoridagi firibgarliklar va “qora payshanba” uyushtirilishiga aloqadorlikda gumon etilayotgan treyder Navinder Singx Sarao 28 kun ichida Buyuk Britaniyadan AQShga ekstraditsiya qilinadi. London oliy sudi 14-oktabr, payshanba kuni Saraoning AQShga topshirilishi yuzasidan apellyatsiyasini rad etdi, deya xabar bermoqda “RBK” .

AQSh Adliya vazirligi taxminiga ko‘ra, Sarao birja savdolari jarayonida sun’iy ravishda sarosima keltirib chiqarish uchun o‘zini turli bitimlar tuzayotgandek qilib ko‘rsatgan. Bu esa unga 5 yil davomida 40 million dollar, “qora payshanba” kuni esa 879 ming dollar ishlab olishiga imkon bergan.

Navinder Singx Sarao AQShda 22 ta modda bo‘yicha ayblanmoqda. U 380 yillik qamoq jazosiga hukm qilinishi mumkin.