Yaponiya politsiyasi Sapporo shahridagi mehmonxona egasini qamoqqa oldi: u chet ellik turuvchilarni ishlashga — xonalarni tozalash yoki ko‘rpa-to‘shak solishga majburlashda ayblanmoqda. Buning evaziga u istiqomat uchun pul olmagan yoki chegirma bergan. Bu haqda “TASS” ma’lum qildi.
Yaponiyada mamlakatga qisqa muddatli sayyohlik vizasi bilan kelgan chet el fuqarolarining to‘lov evaziga ishlashi man etilgan. Shu bois mazkur holat qonun buzilishi deb topildi.
Mehmonxona egasi bilan birga uning qo‘lida ishlagan Xitoy va Malayziyadan kelgan sayyohlar ham qamoqqa olindi. Ular mehnati evaziga pul olmaganligini bildirib, aybini inkor etmoqda.
Politsiya hibsga olingan tadbirkorga tegishli yana 13 mexmonxonani tekshirish niyatida.
Izoh (0)