Peru prokuraturasi saylovoldi kampaniyasi doirasida mablag‘dan noqonuniy foydalanishda gumon qilinayotgan mamlakatning sobiq prezidenti Olyanta Umalaga nisbatan tekshiruv boshladi. Bu haqda “TASS” xabar bermoqda.
Mahalliy El Universo manbalariga ko‘ra, prokurorlar sudga Umalaning Peru va xorijdagi bank hisob raqamlari haqidagi ma’lumotlarni tergovga taqdim etish zarurligi bildirilgan so‘rov jo‘natdi.
Peru sobiq rahbarining prezidentlik lavozimidagi 5 yillik muddati shu yil iyul oyida yakuniga yetdi. U hozirda ham oliy davlat lavozimidagi faoliyati bo‘yicha prezidentlik daxlsizligiga ega.
2015-yil sentabrida Peru prokuraturasi Umalaning turmush o‘rtog‘i Nadin Erediani moliyaviy firibgarliklar bo‘yicha tergov olib borilayotgan shaxslar ro‘yxatiga kiritdi. Sobiq birinchi xonim o‘zi tomonidan boshqariladigan Peru milliy partiyasini noqonuniy moliyalashtirishga aloqadorlikda gumon qilinmoqda.
Izoh (0)