Bahrayn qiroli shayx Hamad bin Isa Al Xalifa Misr prezidenti Abdul Fattoh as-Sisiydan eksklyuziv tarzda Sinay yarim orolida ko‘chmas mulk sotib olish huquqini oldi, deya xabar bermoqda “TASS”.
“Misr davlati rahbari Bahrayn monarxining Qizil dengizdagi Sharm-ash-Shayxda joylashgan Naama-beyda uchta villani sotib olish huquqi to‘g‘risida maxsus farmon imzoladi”, — deyiladi Egypt Independent nashri xabarida.
2012-yilgacha arablar va xorijliklarga Sinay yarim orolida 99 yillik ijara tamoyili asosida yer-mulkka egalik qilish huquqi berilar edi, ammo to‘rt yil avval mamlakat qonunchiligiga o‘zgartirishlar kiritildi, ularga muvofiq, yarim orolda shaxsiy mulkka egalik qilish huquqi faqat misrliklarda mavjud.
O‘tgan yili qonunga kiritilgan qo‘shimchalarga ko‘ra esa, ota-onasi ham mamlakat fuqarolari bo‘lgan misrliklar yoki to‘liq Misr mulki bo‘lgan kompaniyalar Sinayda ko‘chmas mulkka egalik qila oladi.
Davlat rahbarining yangi farmoni Sinayda xususiy mulkka ega bo‘lgan arablarning ma’lum kategoriyasiga Misr fuqarolari bilan teng huquqlarda munosabatda bo‘lish imkonini beradi. As-Sisiyning qarori muayyan doiralarda norozilikni keltirib chiqardi.
Izoh (0)