Myanma g‘arbidagi Rakxayn shtatida Birma armiyasi kuchlari va jangarilar o‘rtasidagi to‘qnashuvlar chog‘ida kamida 12 kishi halok bo‘ldi, deb yozadi “TASS”.
10-oktabr, dushanba kuni 200 dan ortiq terrorchilar politsiya bo‘linmalariga ketma-ket hujum uyushtirdi. Jinoyatchilarning qo‘lida o‘qotar va sovuq qurollar bo‘lgan.
Shafqatsiz otishmadan so‘ng tartib posbonlari hujumni qaytarib, ekstremistlarni chekintirishga muvaffaq bo‘ldi. Huquq-tartibot organlarining besh xodimi yaralandi, bir kishi bedarak yo‘qoldi. Ta’qib qilish chog‘ida politsiyachilar hujum qilganlarning ikki nafarini asirga oldi.
Mahalliy hukumat hodisa ro‘y bergan hududda komendantlik soatini joriy qildi.
Izoh (0)